Mæta í BootCamp, fara í sund, vinna, borða vinna meira og borða aðeins meira og sofa... Makes my day...!!

Ég er búin að ákveða að byrja aftur að blogga... allavega reyna það!
Það er búið að vera frekar mikið að gera í vinnunni síðustu vikurnar og ég er búin að vera að ferðast svoldið á Ísafjörð, Seyðisfjörð og á Akureyri til að taka á móti skipum. Síðustu helgi gekk ég á Fimmvörðuháls með BootCamp hópnum. Við vorum um 200 manns sem gengum og nokkrir skokkuðu reyndar yfir, þar á meðal Óli minn sem var 3.5 tíma yfir hálsinn (á meðan ég var 8 tíma gangandi!!). Við fengum æðisgengið veður allan tímann, sól og hita. Um kvöldið grilluðum við og spjölluðum við liðið. Er ennþá að ná fullum krafti eftir þessa þrusu göngu!
Á morgun fæ ég frí aftur, og það verður algjört æði - þessi vinnuvika er búin að vera mjööög löng og strembin. Kíki kannski á útsölur á morgun veiveivei

Núna erum við Óli uppí sveit heima hjá mömmu og pabba að halda uppá páskana. Ég er búin að bíða mjög lengi eftir þessu páskafríi og núna er það alveg að verða búið! Við tókum Héðinn kisa með okkur, vildum ekki skilja hann eftir einan heima svona lengi. Hann var dáldið bílveikur á leiðinni en hann hefur bara einu sinni áður farið í bíl svona langt. Hann ældi samt ekki... sem er framför. Hann hefur nóg að gera hérna við að elta & éta flugur í gluggunum, en hann vill ekki fara út því að Spori mun ábyggilega éta hann - hann heldur að hann sé villiköttur. Bróðir Héðins er ekki heima, hann hefur ábyggilega farið eitthvert annað í páskarfrí.
Það er heimalingur hérna, lítil gimbur sem er algjört krútt. Við þurfum að gefa henni pela nokkrum sinnum á dag og hún er orðin mjög spök.

En jæja, ætlaði bara að henda smá texta niður á blað svo að það verði ekki lokað á mig á þessu bloggi. Var einmitt að hugsa um daginn að taka afrit af þessu og binda inn, þetta er náttla bara eins og dagbók
Páskakveðjur úr sveitinni!

Það er kannski dálítið langt síðan ég bloggaði síðast, en fyrir þá sem ekki vissu erum við Óli búin að fá okkur lítinn kisa, sem er reyndar núna orðinn 5 mánaða og ekkert svo lítill lengur. Hann heitir Héðinn, en okkur fannst það nafn henta honum mjög vel því hann er mjög Héðinslegur í útliti Hann var að koma úr bólusetningu í dag, og svo var hann geldur og merktur í leiðinni, þannig að hann er nú dálítið slappur greyið.

Síðustu helgi fórum við Óli á norðurlandið til að hitta sumarbústaðaklúbbinn okkar og við höfðum það alveg rosalega gott, borðuðum geggjaðan mat, fórum í göngutúr og í heita pottinn. Við fengum mjög fínt veður, það var reyndar dáldið kalt en mjög stillt. Allavega alveg rosa flott helgi.

Skrifa meira seinna

Ég er búin að vera mjög ódugleg í blogginu uppá síðkastið, náttla búið að vera mikið að gera og jaríjaríjarí.... EN þessu fer að ljúka... sadly... mér finnst þetta ótrúlega skemmtileg vinna, en ég verð að finna mér annað starf yfir veturinn því það eru auðvitað engin skemmtiferðaskip á veturna! Er búin að vera að leita að störfum á fullu, en finn varla neitt - er þó búin að fara í eitt starfsviðtal sem mér leist svona ágætlega á, það er allavega skárra en að vinna á Subway!! Mér fnnst bara dáldið skrítið að vera að hætta i vinnunni, því maður er búinn að vera að vera svo mikið með fólkinu þarna og kynnast þeim vel.

Annars þá er ég búin að vera dáldið mikið á flakki síðustu vikurnar, skrapp á Ísafjörð og Akureyri í nokkra daga og svo skrapp ég til London þarsíðustu helgi, því ég fékk alveg 5 daga frí! Bjó á hótel Önnu Rakel og við kíktum á djammið og audda "oggupoggu" í búðir. Keypti allt of mikið a make up-i, f undirfötum og jökkum... dáldið skrítin samsetning en ég fattaði það ekki fyrr en ég kom heim.....!

En þessa vikuna er dáldið lítið að gera og um helgina fæ ég líklegast frí! Vúhhú!!! Þá ætla ég að fá Siggu systur með mér til að taka til í bílskúrnum hjá ömmu þar sem liggur heeeellingur af dóti og drasli síðan ég flutti í Hlíðarnar! Ég sit btw. uppi með 3 mismunandi sófa/-sett ef einhvern vantar, þeir eru alveg í fínu lagi (kannski ekki fyrir glamúrheimili) en það er mjög gott að leggja sig í þeim eða horfa á vídjó í þeim - ég hef reynsluna! Svo er ég meira að segja ennþá með húsgögn uppi hjá ömmu (þar sem ég bjó en Sigga býr núna) sem ég hef hvergi pláss fyrir í litlu kjallaraholunni minni!

Anywho, skrifa meira seinna, er alveg asosoooosoofofnaaa...... :*

Allt gott að frétta af mér, alveg klikkað að gera í vinnunni og mikið álag svo maður gerir bókstaflega ekkert nema vinna og sofa – það er nýtt skip hérna í Reykjavíkurhöfn næstum upp á hvern dag og svo sigla mörg þeirra á Akureyri líka og stundum á Grundarfjörð og Ísafjörð, en þau fara mun sjaldnar í Heimaey, Húsavík og Seyðisfjörð. Í morgun (kl. 04:30) lagði ég af stað á Grundarfjörð með fjóra leiðsögumenn og sex rútur og sendi um 400 farþega af skipi í skoðunarferðir. Ég dólaði mér aðeins í Stykkishólmi í tvo tíma í ágætis veðri meðan einn hópurinn var í Suðureyjasiglingu. Við komum svo til Reykjavíkur um 8 leitið – alveg örmagna af þreytu. />

Um daginn fékk ég að fara til Eyja til að taka á móti skipi þar, flaug bara þangað um morguninn og koma aftur til baka seinni partinn. En svo virðist sem ég sé einhver óheillakráka því að oftast þegar ég á að fara út á land að taka á móti skipum þá hætta skipin við að koma í höfn eða sigla framhjá! />

Við Óli erum að bíða eftir að ég fái frí, sem verður vonandi 19-20. júlí og þá ætlum við að fara austur og ná í litla kisann okkar sem Þurí systir er búin að vera að barnfóstra síðan hann fæddist í maí. Við erum búin að nefna hann Héðinn />

Annars förum við Óli af og til í stuttar siglingar að loknum vinnudegi og grillum í Þerney – ég kippti vinnufélgögunum mínum óvænt með um daginn og þeir voru mjög lukkulegir með þetta og vilja ólmir fara aftur />

Ekkert meira merkilegt að frétta héðan - það náttla gerist lítið þegar maður nánast býr í vinnunni... />

>
>

> >

Það er brjálað að gera í vinnunni þessa dagana, skip hér og þar og alls staðar, og suma dagana er maður að byrja að vinna langt áður en venjulegt fólk fer í vinnunna og svo kemur maður heim einhverntíma eftir kvöldmat. Eins og í dag, vinna frá 7 (vakna 6:15) og koma heim kl. 20:30!!! En þetta er bara mjög skemmtileg vinna svo að mér er eiginlega alveg sama... eina "vandamálið" er að maður fær aldrei frí, reglan er sú að við erum alltaf að vinna og engir dagar eru heilagir. Maður býr í rauninni bara þarna niðrá skrifstofu og niðrá höfn. Það er eitt sem við Óli erum búin að uppgötva... venjulegt fólk í venjulegri vinnu - frá 8-17 - hefur rosalega stuttan tíma eftir vinnu til að gera allskonar mikilvæga hluti. Til dæmis þá vinnur Óli alltaf 8-17 og ég yfirleitt eitthvað aðeins lengur ef það er LÍTIÐ að gera, og ef við þurfum að stússast eitthvað eftir vinnu þá hefur maður bara svona 1 klukkutíma til að gera allt sem er á "listanum"!! Svo er kannski traffík og svona... og maður ekki kominn heim fyrr en um 19 leitið í fyrsta lagi, og þá þarf maður að elda og vaska upp og það tekur svona 1 klukkutíma og þá er klukkan orðin 20. Þá getur maður valið hvort maður ætlar í ræktina, taka til eða gera eitthvað annað í svona 2 tíma.. og þá er klukkan orðin 22 en svo er hún alltaf óvart orðin 23 og þá þarf maður að fara að hugsa um að drífa sig í háttinn, og er kominn uppí rúm um 23:30 og þá er dagurinn bara búinn. Svo fæ ég ekkert helgarfrí heldur... og ég skil ekki alveg hvernig fólk getur fittað allt inn í dagskrána hjá sér. Við erum t.d. búin að vera að skipta með okkur verkum til að nýta tímann, við erum ekki enn búin að kaupa okkur þvottavél því ég hef þurft að fara á nokkra staði og skoða áður og það tekur bara geðveikt marga daga því að maður er alltaf að vinna svo lengi á daginn og hefur því styttri tíma dag hvern til að fara í búðir! Held að ég hafi ekki innflutningspartý fyrr en einhverntíma þegar fer að líða á september, því þá róast heilmikið í vinnunni. Jæja, best að fara að sofa - skip á morgun um hádegið, og nokkur skip á mánudaginn kl. 7 um morguninn ooooog svo framvegis zzzzz.....zzzzzzzzzz

Jæja, þá er komin aðeins meira en vika síðan ég fékk íbúðina og við erum alveg flutt inn núna. Við höfum það ógó gott hérna... alveg draumur í dós! Svo er útskriftin mín á laugardaginn jeij! En ég er hætt við að halda einhverja stóra veislu, við ætlum bara að hittast við fjölskyldan í smá kaffi.

Ég er að pæla í því að skipta um símafyrirtæki... yfir í Nova... held að það sé málið skoh..!?

Well... þá er komið að smá öppdeiti, svoldið langt síðan ég skrifaði síðast... Sumsé þá er ég byrjuð að vinna á fullu, það var reyndar lítið sem ég fékk að gera fyrstu dagana í vinnunni, tók til í öllum skúmaskotum og gerði allskonar tilgangslaus verkefni, en þetta er allt að koma og fyrsta skipið kemur til landsins 4. júní á Akureyri og það kemur svo hingað til Reykjavíkur 6. júní og þá verð ég reddí niðrá höfn til að taka á móti því. Ég er mjög ánægð með fyrirtækið (Atlantik) sem ég er hjá því þeir sem vinna þarna eru alveg með allt á tæru og ég get enn sem komið er ekki fundið neitt að því. Þau eru mjög upptekin af því að veita bestu þjónustuna og gæðakröfurnar eru mjög háar og ég fíla það í tætlur. Svo fæ ég sér skrifborð og svona... og svo erum við með fínt eldhús og allar græjur og meira að segja interior design blöð sem hægt er að lesa í hádeginu Nebbla allt konur sem vinna þarna núna, reyndar er einn karlmaður sem vinnur þarna, eigandinn... og í svo eru tveir strákar að bætast við núna um mánaðarmótin sem ég verð svo heppin að vera að vinna með Svo er skrifstofan staðsett alveg við höfnina svo að þegar ég horfi út um gluggann þá sé ég öll skip sem sigla inn og út, og svo get ég líka fylgst með flugvélunum sem fljúga þarna yfir.

Annað sem hefur "komið fyrir mig" er að ég keypti mér bíl (sem óli á líka dáldið í en ég keyptann eilla svona surprise!) sem hefur fengið viðurnefnið "rauða þruman" eða "the read thunder" á frummálinu. Sumir vilja kalla þetta CSI bílinn því númerið á honum er DNA sem er mjög auðvelt að muna! Þetta er sumsé draumabíllinn minn, eldrauður Volvo s40 árg. 2007, 150 hö, diesel vél með topplúgu og leðri...og svo framvegis... en semsagt, ég er náttúrulega orðin staurblönk en það er sko alveg þess virði! Þennan bara VARÐ ég að fá og svo var sölumaðurinn líka einstaklega sannfærandi. Það eina sem ég hugsaði ekki útí var að kaupa yfirbreiðslu á hann svo ég þyrfti ekki að þvo hann annan hvern dag, því að ég er náttúrulega að vinna niðrá höfn þar sem mesta framleiðslan á fugladriti á sér stað. Oh well...
Við skruppum austur í gærkvöldi því að þetta er ábyggilega síðasta fríhelgin mín í sumar, og við kíktum á Góu litlu og svo kettlingana sem fæddust í síðustu viku, þeir eru ekki enn búnir að opna augun.. ógó krúttlegir!

Á morgun er svo sjómannadagurinn og við Óli ætlum að kíkja niðrí Snarfara og ditta aðeins að Aquariusi, en hann var sjósettur í gær. Ætlum að fá okkur brunch einhvers staðar útá sjó og taka svo þátt í skemmtidagskránni

Svo á mánudaginn fáum við afhenta íbúðina okkar... LOKSINS og við verðum semsagt að flytja á mánudag og þriðjudag og mála og græja... það verður smá pressa að klára þetta!

Ekki meira í bili......
Chao!

Loksins er stressið búið, skilaði BS ritgerðinni í gær og allt er klappað og klárt! Í gærkvöldi var próflokadjamm með Páli Óskari á Nasa og það var geggjað stuð og gaman... Hitti rosalega marga sem ég hafði ekki séð lengi. En í dag vissi ég ekki hvað ég átti af mér að gera!! Engar skildur eða neitt! Óli fór á sjóskíði í dag með bræðrum sínum, þeir eru með gúmmíbát með öflugum mótor sem þeir eru búnir að vera að leika sér á. Við erum ennþá að bíða eftir því að Aquarius (skemmtibáturinn) verði settur niður, hann var í smá lagningu. En ég ákvað að vera bara heima í dag, skrapp aðeins í Eymundsson að skoða nokkrar bækur sem mig langar í, leigði mér svo franska mynd á Skjáunum og hafði það notalegt. Á morgun koma mamma og pabbi í bæinn og við ætlum að kíkja á flugsýninguna sem verður niðrá velli. Svo er það bara ný vinna á þriðjudaginn, en algjört afslappelsi þangað til!

Búin í prófunum og þau gengu bara vel held ég... Núna á ég bara eftir að laga BSritgerðina sem ég á að skila á föstudaginn... svo ég flúði uppí sveit til að fá smá frið. En ég er ekki búin að vera dugleg, er bara búin að vera úti að klappa kisunum og kíkja á Góu og eitthvað... Blah, hef ekkert að segja, best að fara í kaffi og reyna svo að koma mér í læris-gírinn!

Við Óli skruppum upp í bústað á miðvikudaginn og vorum þar í 2 daga, höfðum það gasalega gott... í próflesningu of course... það var dáldið hvasst en upp við bústaðinn var eiginlega næstum logn svo við sátum hálfan dag í sólbaði... oooog náttla að lesa fyrir próf... og lágum í pottinum og reyndum að finna upp brillijant lausnir til að sporna við búferlaflutningum úr sveitum   Fundum upp þó nokkrar athyglisverðar hugmyndir sem ekki verður uppljóstrað hér! :þ
Allavega þá erum við komin aftur í bæinn, Óli var í prófi í dag sem gekk bara vel en svo þurfum við að halda áfram að lesa og lesa og lesa. Ætlum í Öskju á eftir og Bryndís og bumbubúinn ætla að joina á eftir

Er hún ekki sæt! Varð bara að setja inn hérna tvær myndir af henni Guðnýju dóttur systur minnar, hún er alveg að verða eins árs! Hérna er hún ógó sæt í kjól sem ég keypti handa henni í Kína Algjör mús :*

Jæja, ég var semsagt í mínu fyrsta prófi af þremur í dag, gekk bara ágætlega svosem... lærði bara eiginlega ekkert mikið fyrir það því að ég hafði voða lítinn áhuga á því!! Treysti bara á kunnáttu mína eftir þessi þrjú ár í skólanum! EN hvað um það. Eftir prófið hittumst við stelpurnar (the ninjaz) og spjölluðum yfir hádegismat. Svo fór ég aðeins heim og kippti Óla með mér uppí bústað, þar sem við erum núna að hafa það gott. Fínt að gefa tengdó smá frí frá okkur hehe! Ætlaði að vera hérna í nokkra daga, en allt útlit er fyrir að ég þurfi að bruna í bæinn á föstudaginn því að SUMIR voru að byðja um fund með mér til að segja mér frá ÖLLUM villunum sem ég gerði í BS ritgerðinni!! Ég er s.s. að fara að fá hana til baka og svo þarf ég að leiðrétta hana og skila henni aftur fyrir 15. eða 16. maí! Oh my...

Jæja! Þá er ég búin að skila nóbelsverðlauna BS ritgerðinni minni! jibbí! en bara jibbí í bili því ég á pottþétt eftir að þurfa að laga slatta þegar ég fæ hana í smettið aftur. En vonum bara það besta!!
Og þá eru bara 3 próf eftir, þau eru 30.apríl, 5. maí og 9.maí. Svo þarf ég að vinna í ritgerðinni aftur ábyggilega og skila henni aftur inn þann 16.maí. Svo byrja ég bara að vinna um 20. maí. Svo styttist óðum í að við fáum íbúðina okkar, fáum hana 2. júní... og svo verður vonandi útskrift 14. júní!!!
Þannig er nú það! Best að ljúka þessu ógeði af svo að fólkið fái að mæta í einhverja útskriftarveislu!!!

Ps. veriði nú dugleg að kjósa um símanúmer... það eruð nú þið sem þurfið að hringja en ekki ég! heheeh!